Games Web Page

	Sign In Sign-Up

Mirë se erdhët në Lajmet e kosoves


	faqja e pare \| Lajmet \| fotografit \| Humor \| kontaktet \| Linkat \| Faqja slide show

Mirë se erdhet ne web faqen www.safet-kosova,itgo.com jeni te mirseardhur tek ne degjoni lajmet me vëmendje: te javores tonë
Mijëra protestues në Skënderaj kërkuan lirimin e menjëhershëm të ish-luftëtarëve të UÇK-së Skënderaj, 8 shkurt (Berisha-press) Sot në Skënderaj në orën 12, në organizim të Shoqatës së invalidëve të luftës së UÇK-së, asaj të veteranëve, familjeve të dëshmorëve dhe të të burgosurve, u mbajt protestë njëorëshe, së cilës iu bashkëngjitën mijërë qytetarë. Protestuesit kaluan rrugëve qendrore të qytetit, të cilët në duar mbanin flamuj kombëtar dhe transparente të ndryshme në të cilat shkruhej: "Nuk jemi kundër UNMIK-ut dhe KFOR-it, stop arrestimeve politike të ish pjesëtarëve të UÇK-së ."Kërkojmë lirimin e të gjithë të arrestuarve me urdhër ekzekutiv pa bazë juridike ligjore. Kërkojmë lirimin e Latif Gashit, Nazif Mehmetit dhe Naim Kadriut e të tjerëve. "Masa e tubuar më pas u ndal në sheshin qendror "Adem Jashari se cilës iu drejtua në emër të organizatorit, Lulzim Ibrahimi, zëvendëskryetar i SHIL, i cili tha: Protestojmë dhe ngrisim zërin kundër arrestimeve dhe burgosjeve të ish- pjesëtarëve të UÇK-së gjoja për krime pa fakte të mbështetura, kur dihet se pjesëtarët e ish- UÇK-së kanë bërë vetëm lufta çlirimtare kundër një okupatori ndër më barbaret që njeh njerëzimi. Këto arrestime janë fyese dhe me motive politike. Ne ish- ushtarët e UÇK-së dhe populli i Drenicës jemi thellë të prekur nga këto arrestime dhe burgosje të ish -pjesëtarëve të UÇK-së, sepse Drenica më së miri e di se çka do të thotë të jeshë pjesëtar i UÇK-së, andaj apelojmë tek organet e UNMIK-ut që të heq dorë ndaj këtyre burgosjeve dhe arrestimeve. Në emër të veteranëve të luftës foli Musa Ngucati, të familjeve të dëshmorëve Nebih Ferizi dhe të të burgosurve Rrustem Hoti. /kps/

na vizitoni PraP ju lutem vetem per JU

Dega e PDK-së nuk e përkrahë projektstatutin e propozuar të komunës Mitrovicë, 8 shkurt (Kosovapress) Duke shqyrtuar projektin e statutit të komunës se Mitrovicës, të propozuar nga administratori komunal, John Rogers, Safet Voca, kryetar i Komisionit për akte normative pranë degës së PDK-së në Stan Tërg, tha para anëtarëve dhe simpatizanëve të nënëdegëve të Shalës së Bajgorës se projektstatuti i propozuar është i papranueshëm për këtë subjekt politik. Ai, me këtë rast, paraqiti shumë vërejtje në projekt e veçmas në ato prcedurale, por edhe në përmbajtjen e tij ku ka shumë mangësi dhe paqartësi. Edhe nga pjesëmarrësit tjerë doli konstatimi se ky projektstatut nuk duhet të përkrahet nga këshilltarët e PDK-së në Kuvendin Komunal të Mitrovicës, ngase siç u shprehen të pranishmit është në kundërshtim me interesat e qytetarëve të kësaj komune. Këtë e bëri të ditur përmes një informate Zyra për informim e Degës së PDK-së në Mitrovicë./ik/
PETICION I PENGJEVE SHQIPTARE TË BURGOSUR NË BURGJET SERBE KËRKOJMË KTHIMIN E MENJËHERSHËM TË TË GJITHA PENGJEVE SHQIPTARE QË MBAHEN NË BURGJET E SERBISË Sot, me datën 7 dhjetor 2001, në vizitë të burgosurve shqiptar në Burgun e Mitrovicës së Sremit nga pengjet shqiptare është dorëzuar ky peticion të cilin po e publikojmë tërësisht. I njëjti peticion është përshkruar në tërësi pa kurrfarë ndryshime apo ndërhyrjesh. Lutja e nënshkruesve të këtij peticioni është që i njejti të publikohet në mjete të informimit publik në gjuhën shqipe. Ky mesazh na është dërguar nga Zyra e Fondit për të drejtën humanitare në Beograd, me lutje që mundëishtë të e realizoni këte dëshirë të pengjeve shqiptare në burgjet sebe në Sërbi. [ më shumë... ------------------------------------------------------------------------------------------ / / 8 shkurt 2002 Ligjëratë e Hashim Thaçit para studentëve të Fakultetit të Shkencave Politke në Cyrih të Zvicrës Cyrih, 8 shkurt (Berisha=press) Kryetari i Partisë Demokratike të Kosovës, Hashim Thaçi të enjten mbajti ligjëratë në Universitetin e Cyrihut, në Fakultetin e Shkencave politike para studentëve dhe pedagogëve të këtij fakulteti, me temë: Transformimet në Evropën Juglindore, me fokus të veçantë për gjendjen aktuale në Kosovë. Para studentëve të shkencave politike dhe ligjëruesve të shumtë, kryetarin e PDK-së e prezentoi dr. Shtefan Kuks, ligjërues në këtë fakultet. Duke bërë portretizimin e politikologut dhe ish-studentit të studimeve pasuniversitare të këtij fakultetit, Hashim Thaçin, profesori Kuks tha se “z. Thaçi është personaliteti më i njohur që ka dalë nga katedrat e këtij fakulteti, nga të cilat shkoi në Kosovë dhe në krye të Ushtrisë Çlirimtare të Kosovës arriti sukses të madh, duke kryesuar delegacionin shqiptar në Konferencën Ndërkombëtare të Rambujesë”. Para auditoriumit të gjerë kryetari i PDK-së mbajti ligjëratën në të cilën foli për ndryshimet në Evropën e Mesme Lindore dhe në Evropën Juglindore pas mbarimit të Luftës së Ftohtë, për shpërbërjen e ish-republikave jugosllave, për tendencën hegjemoniste serbe e cila shkaktoi luftë me përmasa tragjike edhe në Kosovë. Më tej Thaçi elaboroi gjendjen e krijuar në Kosovën gjatë periudhës së sundimit të Milosheviqit, për pozicionin e Kosovës midis konceptit serb për nënshtrimin e Kosovës dhe pacifist të partive politike nga njëra anë dhe krijimit, rritjes, organizimit dhe daljes fuqishëm në skenë të UçK-së. Një fazë e veçantë e elaborimit në ligjeratë ishte periudha e pasluftës, si dhe gjendja aktuale në Kosovë. "Ne vitet kur unë studioja në Universitetin tim dhe Tuajin, viti 1996 fillimi i 1998, më janë të freskëta diskutimet mbi zhvillimet politike, ekonomike dhe ushtarake në Evropën Juglindore e në veçanti në Ballkan. Vendi (Kosova) dhe populli im ishin të pushtuar nga aparati administrativ dhe ushtarak i Serbisë, po nga ky aparat sundohej edhe vetë populli serb në Serbi. Shteti shqiptar ishte deinstitucionalizuar nga kriza e fillimvitit 1997. Në këtë kohë diskutohej edhe për qeverisjen autokrate të Tuxhmanit në Kroaci, për hapat e guximshëm të reformave demokratike në Slloveni, për problemet etnike, politike dhe humanitare të krijesës së Dejtonit (Nëntor 1995) të federatës së Bosnje Hercegovinës, për pranimin e Maqedonisë në partneritetin e Paqës, institucionalizimin e brishtë, dhe për problemet ndëretnike që ekzistonin në këtë vend fqinj të vendlindjes sime". Në njërin nga debatet për Maqedoninë kisha shprehur bindjen time "Atje ndodhë diskriminim ndaj shqiptarëve". Opinioni im ishte i ndryshëm me shumicën e studiuesve të rinj kolegë të mijë evropianë (nga prof. Boschkovska, e cila e udhëheqte seminarin ky vlerësim u cilësua nacionalist), kishte edhe studiues të inspiruar nga literatura e autorëve jo mirë të informuar që këtë republikë e quanin "Oazë të paqes ballkanase", tha në fillim të ligjëratës, Hashim Thaçi. Duke folur për situatën aktuale në Kosovë, në mes tjerash, kryetari i PDK-s’’, Hashim Thaçi tha se sot në Kosovë ka filluar procesi i ndërtimit të demokracisë: janë mbajtur zgjedhjet e lira në nivel lokal vitin e kaluar, kurse këtë vit zgjedhjet e përgjithshme. Zgjedhjet e lira në Kosovë nga ekspertë dhe analistë vendorë dhe ndërkombëtarë janë vlerësuar lart, si zgjedhje të rregullta, të qeta dhe më demokratiket në këtë pjesë të Evropës Juglindore dhe të vendeve në tranzicion. Por ende ka grupe politike që veprojnë me mentalitet të së kaluarës, të monopolit politik dhe mbajnë peng formimin e institucioneve demokratike me një këmbëngulje dhe kryeneqësi ballkanase. Nuk besoj se ju keni dijeni që dikush me 47 ulëse në Parlament nga gjithsej 120 mund të formojë e vetme qeverinë dhe të gjitha organet tjera shtetërore. Në Evropën demokratike, besoj se pajtohemi, nuk është kështu. Ne kemi bërë analiza serioze rreth kësaj dhe kemi ardhur në përfundim se PDK-ja është duke u penguar në procesin e rritjes së saj dhe formësimit definitiv si një parti moderne perëndimore pikërisht nga ana e atyre që janë me vepër e fjalë kundër pavarësimit dhe demokratizimit të Kosovës. Këta nuk e kuptojnë apo nuk duan ta kuptojnë se pavarësia e Kosovës nuk është çështje mode, nuk është një paragraf formal në programet partiake, por është çështje thelbësore e identitetit politik, juridik dhe shtetëror të Kosovës që lidhet me tërë seriozitetin dhe kompleksitetin e gjeopolitikës rajonale dhe më gjerë. PDK dhe unë personalisht, ka thënë më tej Hashim Thaçi, kurrë nuk e kemi ngatërruar e as që do ta ngatërrojmë bashkëjetesën me pakicat kombëtare dhe pavarësinë e Kosovës. Përkundrazi, ne mendojmë se është gabim i madh i Beogradit dhe të tjerëve që synojnë që serbët të vihen në pozitën e gardianëve të sovranitetit shtetëror serb ndaj Kosovës. Në të njëjtën kohë, kjo qasje i dëmton rëndë interesat e bashkësive të tjera minoritare etnike të Kosovës. Pozita e romëve, ta zëmë, është mjaft e rëndë dhe ne shumë pak merremi me të. Ky nuk ështe rasti me turqit dhe boshnjakët, të cilët kanë pranuar realitetin e ri në Kosovë dhe janë duke punuar bashkë me popullin shumicë për një Kosovë sovrane dhe të pavarur. Synim yni është që t'i integrojmë të gjithë në realitetin e ri në Kosovë, dhe ta ndiejnë Kosovën si vendin e tyre. Ne kemi kërkuar dhe mirëpritur rolin e bashkësisë ndërkombëtare në krizën e Kosovës. Gjatë luftës kemi qenë bashkë dhe të tillë jemi edhe në paqe, sepse kemi qëllime të njëjta dhe angazhimet tona janë për vlera të njëjta: Paqja, progresi dhe demokratizimi i Kosovës dhe rajonit si tërësi. Këtij qëllimi duhet t'i shërbejmë të gjithë. Megjithatë, synimet tona për pavarësi sikur nuk janë në përputhje me vullnetin e bashkësisë ndërkombëtare si tërësi. Theksova se pavarësia e Kosovës nuk është çështje mode, por një nevojë imediate e kohës në të cilën jetojmë dhe që bëhet në të mirë të stabilitetit rajonal dhe më gjërë. Për Kosovën nuk mund të flasim sikur për një pjesë "jugosllave", të cilës i mungojnë dinari, ushtria dhe policia e "RFJ"-së, ka thënë më tej në ligjëratë Hashim Thaçi, duke shtuar se kjo qasje është e gabuar. Këtu jo vetëm që ka synim për ruajtjen e të ashtuquajturës RFJ, por edhe për ristrukturim të saj kushtetues. Pikërisht këtu, pra në Kosovë dhe përmes saj synohet eksperimentimi i ridefinimit të federatës së krijuar nga Milosheviqi në Zhablak më 1992, dhe të asaj sipas modelit të Dejtonit, me Kosovën si një nga njësitë hibride, të padefinuara mirë, të kësaj "federate". Kjo nuk është reale, pse jo dhe moralisht e papranueshme, historikisht e tejkaluar. Kjo është politikë e shekullit XIX dhe fillimit të shekullit të XX, tha mes tjerash kryetari i PDK-së, Hashim Thaçi. Kjo ligjëratë zgjoi një interesim të madh në mesin e auditoriumit të pranishëm dhe më pas u zhvillua një dialog i gjallë me pyetje dhe përgjegje. Pyetjet kishin të bënin me zhvillimet aktuale në Kosovë, për domosdoshmërinë e zhvillimit ekonomik, procesin e transformimeve ekonomike, çështjen e sigurisë, marrëdhëniet me vendet fqinje, integrimet rajonale etj. "Unë jam nga ata studentë dhe nga ata të rinj që e kam urrejtur luftën, por kam formuar UÇK-në që të luftojë kundër fashizmit serb dhe kam gjetur mbështetjen ndërkombëtare", tha në fillim të debatit me studentët, Hashim Thaçi, dhe shprehu konsideratë dhe besim tek të rinjtë kosovarë, që çdo ditë po dëshmohen se janë ndërtues të një shoqërie të hapur dhe perëndimore. Duke folur për pozicionin aktual të Kosovës, kryetari i PDK-së tha se Kosova ka kaluar fazën emergjente, ka mbajtur dy palë zgjedhje të suksesshme dhe është në fazën e ngritjes së institucioneve dhe thellimit të demokracisë. Krahasuar me shumë vende që kanë dalë nga lufta, Kosova ka shënuar përparim të dukshëm dhe është vendi me siguri më të lartë në rajon. Në momentin aktual, problemet e shumta në Kosovë nuk mund t'i zgjidh asnjë forcë politike e vetme, prandaj PDK-ja ka qasje integruese. Vetëm me marrje të përgjegjësive politike nga të gjitha subjektet relevante, Kosova mund të ecën përpara, ka thënë ai. Në pyetjen se a do të rikthehet sundimi i Beogradit në Kosovë, së bashku me armatën jugosllave, kryetari Thaçi u përgjigj se procesi i pavarësimit Kosovës është më i shpejtë se demokratizimi i Serbisë, një fakt që duhet të njihet edhe nga bashkësia ndërkombëtare. Njëri nga sukseset më të mëdha të vizionit politik të PDK-së është bashkëpunimi dhe besueshmëria e krijuar me faktorin ndërkombëtar perëndimor. Ky bashkëpunim duhet thelluar edhe më tutje, sidomos me praninë e NATO-s jo vetëm në Kosovë. Për hirë të sigurisë rajonale, NATO duhet që ta shtrijë ndikimin edhe në Serbi dhe Mal të Zi, sepse atje kemi ende një forcë ushtarake me struktura të Milosheviqit, që rrezikon demokratizimin e rajonit, ka thënë ndër të tjera Hashim Thaçi në ligjëratën e tij të mbajtur të enjten e 7 shkurtit me studentë e Falultetit të Shkencave Politike të Cyrihut./kps/ --------------------------------------------------------------------------------

Libri “KËSHTU BËRI TAHIR ZEMAj” tani në duar të lexuesve edhe në diasporë -Në Zvicër mund të gjindet në Klubin “Përparimi” në Cyrich -Në Gjermani mund të porositet përmes email-it safet@jasacom.com në Shtutgart Në këtë libër mund të lexoni: Tregtia me pluhurin e bardhë; bixhozi; gratë serbe dhe bashkëpunëtorët e majorit nga KOS-i dhe UDB-ja Tahir Zemaj, është ndër të paktët apo i vetmi nga oficerët aktivë të Ushtrisë “jugosllave” që i është lejuar të jetojë në Kosovë. Pjesëtar i hershëm i Shërbimit Informativ të Ushtrisë “jugosllave” (KOS) dhe bashkëpunëtor i devotshëm i UDB-së. Cilët ishin njerëzit nga UDB-ja me të cilët Zemaj, si oficer i KOS-it, kishte bashkëpunuar në kontrabandën me drogë, në vitet e tetëdhjeta? Privilegjet e tij në Armatën “jugosllave” ia kishin mundësuar të martohet disa herë me femra serbe. Kush ishin Gordana Travica-Zemaj dhe Liljana Stankoviq-Zemaj? Sa fëmijë kishte me këtë të fundit oficeri i preferuar i Bujar Bukoshit, gjatë luftës dhe “heroi i gjallë” i Ibrahim Rugovës, pas luftës? Cilët janë kosistët dhe udbashët tjerë të Kosovës, me të cilët kishte bashkëpunuar Tahir Zemaj, në tregtinë me pluhurin e bardhë? Si ra në burg dhe a u lirua pas “riedukimit” apo “iku” nga burgu Tahir Zemaj? Fakte të shumta dhe faksimile origjinale flasin për të vërtetën e atyre viteve. Roli i Tahir Zemajt në ngjarjet e vitit 1981, dhe më pas? Cili ishte pozicioni i tij në luftën e forcave “jugosllave” kundër familjes së Tahir Mehës, në Prekaz? Cili ishte roli i tij, si oficer i KOS-it, në luftën për likuidimin e atdhetarëve dhe aktivistëve të ilegales shqiptare në Kosovë, Rexhep Malës dhe Nuhi Berishës? Kush ishte avokati serb që Zemaj e kishte angazhuar për ta mbrojtur në gjyq? Përse pas burgosjes ai lirohet; jo në mungesë provash por për shkak të riedukimit, siç kishin konstatuar organet e KOS-it dhe të UDB-së dhe në çka ishte betuar ai para tyre? Cili ishte misioni i Tahir Zemajt në mesin e të burgosurve shqiptarë në Dubravë të ish-Istogut? Tahir Zemaj kishte urdhëruar arrestimin e heroit të Dukagjinit Agim Zenelit dhe atë të Lahi Ibrahimit, organizator i celulave të para të UÇK-së në këtë anë Çka thotë për Tahir Zemajn Ramadan Gashi, ish ushtar i UÇK-së në Dukagjin dhe zyrtar i TMK-së në kazermën “Luan Haradinaj”? Pasi Agim Zeneli, dëshmor (i rënë në pritë, në janar të vitit 1999) kishte rrëzuar një helikopter serb në Çeskovë, Tahir Zemaj kishte urdhëruar arrestimin e tij”. Akuza: Ka prishur besatimin (marëeveshjen) me serbët! Njëjtë edhe Lahi Ibrahimajt i ishte lëshuar fletarresti nga Tahir Zemaj dhe Nazif Ramabaja. Sa tentativa për dezërtim kishte pasur në Lug të Baranit dhe kush i kishte penguar ato, në korrik të vitit 1998? Çka tjetër përmban ditari i Ramadan Gashit dhe pse veprimet e Tahir Zemajt për të dhe luftëtarët e Dukagjinit do të mbeten përjetë një tradhti e madhe? Cilat ishin peripetitë me të cilat Gashi ishte ballafaquar, pas dezertimit të madh të shtatorit 1998? Çka thoshte për Tahir Zemajn eprori Agim Çela? Si i ishte mbjellur popullit propaganda “kundër djemve të UÇK-së, që me kallash të ndryshkur të Shqipërisë duan ta djegin Kosovën”, dhe si e trasonte kjo propagandë rrugën paraprijëse për Tahir Zemajn -në Kosovë? Sa tentativa kishte bërë SHP i UÇK-së për t'i futur oficerët me akademi në luftën e Kosovës dhe përse disa nga ata nuk pranuan të hyjnë në luftë? Cila është përgjegjësia e Bukoshit në këtë lojë dhe kush i mbante peng oficerët dhe e sabotonte luftën e UÇK-së? Çka thonë për Bukoshin dhe Tahir Zemajn shumë oficerë, qe gjendeshin me ta në atë kohë e sidomos në dhjetëvjeçarin e fundit? Përse eprori Agim Çela thoshte se Tahir Zemaj është vetëm një spiun i KOS-it, lojtar i miri i bixhozit dhe kontrabandues droge? Si e përshkruan një luftëtar nga Dushkaja paraqitjen e parë tëTahir Zemajt? Cila është e vërteta për Kazermën e Prapaçanit? E vërteta për luftën e Logjes, Tahir Zemajn dhe Skender Çekun ? Hysen Dreshaj (Besniku), Hashim Shala dhe shumë luftëtarë të tjerë flasin për të vërtetën mbi luftën e Logjes. Gjithçka ishte bërë sipas komandës së Ramush Haradinajt. Kur kishte mbërritur në Logjë Tahir Zemaj? A është e vërtetë se ai e kishte parë Logjën vetëm pas përfundimit të betejës? Skender Çeku apo Tahir Zemaj? Përse ky i fundit askund nuk e zë në gojë emrin e heroit të luftës së Logjës, Skender Çekut dhe cila është përgjegjësia e Tahir Zemajt për vdekjen e tij nga plagët? Cila ishte porosia e fundit e Skender Çekut? Si ishte njohur ky me Xhavit Halitin dhe Azem Sylen dhe si e bënte furnizimin e Kosovës me armë? Si ndodhi dhe si filloi lufta e Logjës? Fotografi, fakte e dëshmitarë të shumtë flasin për këtë. Përse Tahir Zemaj është shumë alergjik, ndaj emrit të Skender Çekut!? Si erdhi Tahir Zemaj në krye të Shtabit Operativ të Rrafshit të Dukagjinit? Në kampin e Tahir Zemajt ishte kremtuar rënia e Gllogjanit. Tërë natën ishte bërë festë. A kishte pritur ai që të bie Gllogjani dhe t'i marrë frerët e luftës për të bërë çka të dojë pastaj? Kush e kishte përkrahur dhe kush e kishte kundërshtuar emërimin e Tahir Zemajt në krye të Shtabit Operativ të Rrafshit të Dukagjinit? Cila është historia e emërimit të tij? Çka kishin thënë në mbledhje Ramush Haradinaj, Nazmi Ibrahimi, Fadil Nimani etj.? Cilat ishin dhe sa herë ishin bërë marrëveshjet e Tahir Zemajt me forcat serbe në Dukagjin? Kush ia prishte “besatimin” me to majorit të Bujar Bukoshit? Cilët ishin “problematikët” dhe të “padegjueshmit” e UÇK-së për Tahir Zemajn? Kush duhej përndjekur me urdhër të tij? Strategjia e dezertimit të shtatorit; Dorëzimi i armëve “një njësiti tjetër, siç thotë Tahir Zemaj në librin e tij”, (në të vertëtë keto ishin forcat serbe) dhe ikja nga Kosova Cila ishte strategjia e hartuar nga Tahir Zemaj për dezertimin e shtatorit 1998? “Çka thonë për këtë ushtarë e bashkëluftëtarë të tij? Si ishte sjellur majori me ata që nuk donin t'i dorëzonin armet? Sa ushtarë iu vranë gjatë tentimit për ikje? Si kishte reaguar 16-vjeçari, Xhafer Sejfiaj, në momentin kur Tahir Zemaj e kishte braktisur të vrarë në kufi vëllanë e tij, "Snajperistin"? Si ishin grumbulluar dhe dorëzuar armët e shqiptarëve në Dukagjin, me urdhër të komandant Tahir Zemajt? Cila është drama me të plagosurit? Sa të plagosur ishin braktisur gjatë dezertimit dhe ishin lënë të bien të gjallë në duar të forcave serbe? Ç'thotë për këtë infermierja Mimoza Ferizaj dhe mësuesi nga Dushkaja, i cili kishte qenë dëshmitar i dezertimit? Si e përshkruan ai odiseaden e këtij dezertimi? Çfarë thotë për Tahir Zemajn dhe ç’kërkon prej tij Avdullah Morina, babai i dëshmorit Ylli Morina, i cili ishte braktisur nga Tahir Zemaj, për të ndërruar jetë pas gjashtë muaj torturash, spitaleve të Prishtinës e Novi-Sadit, nga policia serbe? Si kishte ikur në mënyrë enigmatike Tahir Zemaj dhe si i kishte braktisur bjeshkeve pa busullë të gjithë ushtarët që i kishte urdhëruar "të tërhiqen"? "Shkoni kush kah të mundet dhe ju p.sh….me këto armë",- kishte thënë majori. “Po kah ia kishte mbathur ai? Përse ishte aq i revoltuar në", atëherë, ish-ministrin e Mbrojtjes, Ahmet Krasniqin, dhe ç'kishte thënë për të? Nga goja e eprorit Esat Krasniqi, dëshmitar i lojës me Kosovën i Bujar Bukoshit dhe institucioneve te Kosovës, mësojmë për së afërmi për: Luftën e Koshares dhe të vërtetën për të; Tahir Zemajn dhe implikimet e tij në qeveri dhe në qarkun e manevrimit me oficerët shqiptarë; Milionat e harxhuara kot kampeve të Shqipërisë dhe tendencat e sabotimit të luftës së UÇK-se; Përse shumë oficerë e braktisen Bukoshin dhe iu bashkuan UÇK-se? Cilat ishin përpjekjet marramendëse të njerëzve nga SHP i UÇK-së, për ta bërë luftën në mënyrë institucionale dhe pse Bukoshi refuzonte këtë? “SHP i UÇK-së të gjithë oficerëve të shkolluar ua kishte ofruar pozitat drejtuese të luftës, por Bukoshi dhe njerëzit e tij i kishin refuzuar". Kush ishin protagonistët e këtyre negociatave dhe pse dështuan ato? Faksimilet nga Arkivi i UÇK-së flasin për të gjitha keqpërdorimet e njerëzve të qeverisë, që ishin bërë në emër të FARK-ut. Sa miliona ishin harxhuar në luks në Perëndim dhe kampeve te Shqipërisë, derisa luftëtarët e UÇK-se dhe civilët në Kosovë ballafaqoheshin me municion e ushqime të pakta me ofensivat e egra serbe "KËHTU BËRl TAHIR ZEMAJ", LIBËR QË I PËRGJIGJET NË SHUMË PIKËPYETJE TË SHQIPTARËVE PËR NJË PJESË TË SË VËRTETËS MBI LUFTËN E UÇK-SË DHE TENDENCAT E MANIPULIMIT TË SAJ!

Nqofse kemi GaBuAr ndonje sen mund te na kontaktoni ne E-mail safet@jasacom.com ose safetberisha@haotmail.com .msn/non.stop/ www.ark-gjilan.8m.com